Икона Симон ЗилотКондак, глас 2-й

Известно премудрости учения в душах благочествующих положшаго во хвалении ублажим, яко Богоглаголиваго вси Симона: Престолу бо Славы ныне предстоит и со Безплотными веселится, моляся непрестанно о всех нас.

Молитва

Святый славный и всехвальный апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленного, претворения воды в вино! Молим тя с верою и любовию: умоли Христа Господа претворить души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных и испроси нам свыше помощь во время уныния и беспомощия нашего, да не преткнемся о камень соблазна, но неуклонно шествуем спасительным путем заповедей Христовых, дондеже достигнем обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богоугодно житие сие временное скончати, благую и мирную христианскую кончину получити и добраго ответа сподобитися на Страшнем Суде Христове, да избежавше мытарств воздушных и власти лютаго миродержца, унаследуем Царство Небесное и прославим великолепое Имя Отца и Сына и Святаго Духа во веки веков. Аминь.

Если вы нашли ошибку, пожалуйста, выделите фрагмент текста и нажмите Ctrl+Enter.

Одно сообщение к “Молитва апостолу Симону Зилоту

  1. Святый славный и всехвальный апостоле Христов Симоне . Моли Господа о моей семье , умоли Христа Господа претворить души наша из грехолюбивых в боголюбивыя , сохрани с соблюди нас молитвами твоими от искушений дьявольских и падений греховных , и испроси нам с выше помощь. Умоли Господа сохранить брак , семью , любовь и уважение друг к другу с рабой Божьей Ларисой . Во имя Отца и Сына и Святого Духа во веки веков . Аминь .

Добавить комментарий

Ваш e-mail не будет опубликован.