Глас 6-й, Песнь 1
Ирмо́с: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.
Припев: Помилуй мя, Боже, помилуй мя.
Ныне приступих аз грешный и обремененный к Тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.
Припев: Помилуй мя, Боже, помилуй мя.
О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.
Слава Отцу и Сыну и Святому Духу.
Безумне, окаянне человече, в лености время губиши; помысли житие твое, и обратися ко Господу Богу, и плачися о делех твоих горько.
И ныне и присно и во веки веков. Аминь.
Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько.
Песнь 3
Ирмо́с: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Припев: Помилуй мя, Боже, помилуй мя.
Внегда поставлени будут престоли на судищи страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.
Припев: Помилуй мя, Боже, помилуй мя.
Праведницы возрадуются, а грешнии восплачутся, тогда никтоже возможет помощи нам, но дела наша осудят нас, темже прежде конца покайся от злых дел твоих.
Слава Отцу и Сыну и Святому Духу.
Увы мне великогрешному, иже делы и мысльми осквернився, ни капли слез имею от жестосердия; ныне возникни от земли, душе моя, и покайся от злых дел твоих.
И ныне и присно и во веки веков. Аминь.
Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостивая, помилуй мя, да покаюся от злых моих дел.
Седален, глас 6-й
Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.
Богородичен
Слава Отцу и Сыну и Святому Духу. И ныне и присно и во веки веков. Аминь.
Связан многими ныне пленицами грехов и содержим лютыми страстьми и бедами, к Тебе прибегаю, моему спасению, и вопию: помози ми, Дево, Мати Божия.
Песнь 4
Ирмо́с: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.
Припев: Помилуй мя, Боже, помилуй мя.
Широк путь зде и угодный сласти творити, но горько будет в последний день, егда душа от тела разлучатися будет: блюдися от сих, человече, Царствия ради Божия.
Припев: Помилуй мя, Боже, помилуй мя.
Почто убогаго обидиши, мзду наемничу удержуеши, брата твоего не любиши, блуд и гордость гониши? Остави убо сия, душе моя, и покайся Царствия ради Божия.
Слава Отцу и Сыну и Святому Духу.
О, безумный человече, доколе углебаеши, яко пчела, собирающи богатство твое? Вскоре бо погибнет, яко прах и пепел: но более взыщи Царствия Божия.
И ныне и присно и во веки веков. Аминь.
Госпоже Богородице, помилуй мя грешного, и в добродетели укрепи, и соблюди мя, да наглая смерть не похитит мя неготоваго, и доведи мя, Дево, Царствия Божия.
Песнь 5
Ирмо́с: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.
Припев: Помилуй мя, Боже, помилуй мя.
Воспомяни, окаянный человече, како лжам, клеветам, разбою, немощем, лютым зверем, грехов ради порабощен еси; душе моя грешная, того ли восхотела еси?
Припев: Помилуй мя, Боже, помилуй мя.
Трепещут ми уди, всеми бо сотворих вину: очима взираяй, ушима слышай, языком злая глаголяй, всего себе геенне предаяй; душе моя грешная, сего ли восхотела еси?
Слава Отцу и Сыну и Святому Духу.
Блудника и разбойника кающася приял еси, Спасе, аз же един леностию греховною отягчихся и злым делом поработихся, душе моя грешная, сего ли восхотела еси?
И ныне и присно и во веки веков. Аминь.
Дивная и скорая помощнице всем человеком, Мати Божия, помози мне недостойному, душа бо моя грешная того восхоте.
Песнь 6
Ирмо́с: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Припев: Помилуй мя, Боже, помилуй мя.
Житие на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.
Припев: Помилуй мя, Боже, помилуй мя.
Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творити заповеди Твоя.
Слава Отцу и Сыну и Святому Духу.
Воспряни, окаянный человече, к Богу, воспомянув своя согрешения, припадая ко Творцу, слезя и стеня; Той же, яко милосерд, даст ти ум знати волю Свою.
И ныне и присно и во веки веков. Аминь.
Богородице Дево, от видимаго и невидимаго зла сохрани мя, Пречистая, и приими молитвы моя, и донеси я Сыну Твоему, да даст ми ум творити волю Его.
Кондак
Душе моя, почто грехами богатееши, почто волю диаволю твориши, в чесом надежду полагаеши? Престани от сих и обратися к Богу с плачем, зовущи: милосерде Господи, помилуй мя грешнаго.
Икос
Помысли, душе моя, горький час смерти и страшный суд Творца твоего и Бога: Ангели бо грознии поймут тя, душе, и в вечный огнь введут: убо прежде смерти покайся, вопиющи: Господи, помилуй мя грешнаго.
Песнь 7
Ирмо́с: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.
Припев: Помилуй мя, Боже, помилуй мя.
Не надейся, душе моя, на тленное богатство и на неправедное собрание, вся бо сия не веси кому оставиши, но возопий: помилуй мя, Христе Боже, недостойнаго.
Припев: Помилуй мя, Боже, помилуй мя.
Не уповай, душе моя, на телесное здравие и на скоромимоходящую красоту, видиши бо, яко сильнии и младии умирают; но возопий: помилуй мя, Христе Боже, недостойнаго.
Слава Отцу и Сыну и Святому Духу.
Воспомяни, душе моя, вечное житие, Царство Небесное, уготованное святым, и тьму кромешную и гнев Божий злым, и возопий: помилуй мя, Христе Боже, недостойнаго.
И ныне и присно и во веки веков. Аминь.
Припади, душе моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.
Песнь 8
Ирмо́с: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.
Припев: Помилуй мя, Боже, помилуй мя.
Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что надеюся? Токмо даждь ми, Господи, прежде конца покаяние. (Дважды)
Слава Отцу и Сыну и Святому Духу.
Верую, яко приидеши судити живых и мертвых, и вси во своем чину станут, старии и младии, владыки и князи, девы и священницы; где обрящуся аз? Сего ради вопию: даждь ми, Господи, прежде конца покаяние.
И ныне и присно и во веки веков. Аминь.
Пречистая Богородице, приими недостойную молитву мою и сохрани мя от наглыя смерти, и даруй ми прежде конца покаяние.
Песнь 9
Ирмо́с: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.
Припев: Помилуй мя, Боже, помилуй мя.
Ныне к вам прибегаю, Ангели, Архангели и вся небесныя силы, у Престола Божия стоящии, молитеся ко Творцу своему, да избавит душу мою от муки вечныя.
Припев: Помилуй мя, Боже, помилуй мя.
Ныне плачуся к вам, святии патриарси, царие и пророцы, апостоли и святителие и вси избраннии Христовы: помозите ми на суде, да спасет душу мою от силы вражия.
Слава Отцу и Сыну и Святому Духу.
Ныне к вам воздежу руце, святии мученицы, пустынницы, девственницы, праведницы и вси святии, молящиися ко Господу за весь мир, да помилует мя в час смерти моея.
И ныне и присно и во веки веков. Аминь.
Мати Божия, помози ми, на Тя сильне надеющемуся, умоли Сына Своего, да поставит мя недостойнаго одесную Себе, егда сядет судяй живых и мертвых, аминь.
Молитва
Господи Иисусе Христе, Сыне Божий, помилуй мя грешнаго.
Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоея Матере и всех святых Твоих. Аминь.
Господи Иисусе Христе, Сыне Божий, помилуй меня грешную р.б.Наталию. прошу тебя о помощи, помоги сыну моему р.б. Димитрию. Дай ему доброго здравия, здравомыслия, усидчивости и прилежности в учебе, любознательности, целеустремленности. Чтобы он стал полностью здоровый и самостоятельный. Во имя Отца и Сына и Святого Духа. Аминь
Господи! помилуй нас! Прости нам грехи наша, прости нам беззакония наша. Молю Тебя Господи о сыне моем, помоги ему избавится от страсти компьютерной. А мне вернуть человека, любимого теперь. Взаимопонимания и уважения к друг другу. Создать крепкую, верную, дружную семью навсегда вместе быть. Господи помилуй! ПОМОГИ! Аминь.
Господи помилуй, нас грешных Николая и Наталью. Очень слёзно прошу, в ноги падаю, уповаю, чтобы ты сейчас сохранил жизнь моему супругу во время операции и после операции. Сейчас идёт повторная операция по проблемам со швами под наркозом. Очень слёзно прошу, чтобы он выжил, угроза смерти миновала сейчас. У него серьезная угроза жизни в настоящий момент есть говорят мне. Лучше я своей жизнью пожертвую, умру раньше его. Сделай так, чтобы мой супруг пережил меня, а не я его когда-нибудь. Мой супруг сейчас выздровил после повторной операции,выжил.Еще долго вместе прожили счастливо. Благодарю очень, кланяюсь. За себя и за супруга каюсь в наших грехах, покаяние приносим.
Господи ,помилуй р.б. Ирину от грехов моей жизни — блуда , гордыни, клеветы, злобы, лени, невнимания к родным , непочитания отца и матери своих, тунеядстве. Помоги мне найти хорошую работу и праведного спутника жизни в этом году.
Матронушка, здравствуй, пожалуйста, помолись Господу Богу о нас ,разреши мои финансовые трудности ,чтобы мой ребенок не голодал и жил в достатке. Аминь
Матушка, милая, спасибо тебе за всё, за помощь твою святую! Пошли мне мужа достойного и заботливого, щедрого и любящего, чтоб никогда я не пожалела, что он встретился на моём пути, чтоб семью с ним создать и жить долго и счастливо. Моли Господа Бага о нас, пусть простит нам все согрешения вольные и невольные, направит нас на путь истинный и укрепит нас всех в вере! Аминь.
Матушка, моли Господа простить нас за все наши прегрешения! Благодарю за помощь тебя твою святую! Матушка, помоги мне и сейчас — огради Августу от матери моей, не позволь ей убедить её распорядится квартирой не по воле Божией, пусть родным внукам достанется наследство, а она вместе со своими внуками к себе убирается. Пусть даст маме отдохнуть, и подумать хорошо, справедливое принять решение. Во имя Отца и Сына и Святого Духа и ныне и присно и во веки веков. Аминь.
Матушка, доброго тебе утра и с праздником сегодняшним! Моли Бога о нас, Матронушка, пусть простит все мои согрешения, мысли пусть мои направит на любовь и доброту. Матушка, пошли мужа мне достойного, и помоги квартиру дочери моей унаследовать от бабушки Лиды, ей же здоровья и здравомыслия прибавь, от августы её огради, чтоб по справедливости всё происходило, чтоб домой она уже убралась со своими внучками. Да простит меня Господь. Во имя Отца и Сына и Святого Духа. Аминь.
Матушка, святая Матронушка, моли Господа простить меня грешную, помоги мыслям моим очиститься. Помоги достойного мужа встретить, Машеньке в наследство вступить. Моли Господа Бога обо мне и доченьке моей. Во имя Отца и Сына и Святого Духа. И ныне и присно и во веки веков. Аминь.
Милая, мати Матренушка, моли Господа нашего Иисуса Христа, по воле Его святой, даровать мне достойную работу. Мне в радость, на пользу моей семье и во славу Божию. Аминь!